Kąsk do smiéchu

Wójt prosy sekretôrkã, żebë òna dała do wiedzë, że zéńdzenié mdze we wtórk. Pò jaczims czasu òna sã pitô:
- Wójce, jak sã pisze "wtórk"? Co je na kùńcu, "k" czë "g"?
Wójt chwitô słowôrz i gôdô:
- Przeszëkôł jem w słowôrzu hasła na "f" i nie nalôzł jem słowa "wtórk". Napiszce, że zéńdzenié mdze w strzodã.

***

Przëchôdô robòtnik do biura i rozczarzony gôdô:
- Wëbôcze wójce, ale blós le jô w tim miesãdzu nie dostôł premie...
- Wëbôczóm wama.

***

Jinwestor gôdô z wójtem:
- Wójce, jô bem chcôł pògôdac z wama w trzë òczë.
- Jak to w trzë òczë? Chiba w czterë?
- Nie blós le w trzë, bò na to, co jô wama zabédejã mdze trzeba jedno òkò przëmknąc.

***

Do ùrzãdu wpôdô jeden znerwòwóny Kaszëba.
- Jô chcã gôdac z wójtem!
- Wójta ni ma.
- Doch jô gò przed chwilą w òknie widzôł.
- Òn waju téż widzôł.

***

Jeden mało lubiany wójt òstawił cedelk na biurkù:
"Jô jem na smãtôrzu".
Jak wrócôł, dozdrzôł dopisk:
"Niech cë zemia lekką bãdze".

***

Sekretôrka wpôdô do biura wójta z szałertelefónem i gôdô:
- Wójce, SMS przëszedł.
A na to wójt:
- Niech wléze.

przerëchtowała (dzl)